नुवाकोट जिल्लाको विकट गाउँ शिवपुरी–३, साविक लिखु गाविस वडा नं. ४ पोखरेमा वि.सं. २०४० साल साउन १७ गते जन्मिनु भएका राधिका तामाङ बुवा शेरबहादुर र आमा राम्री तामाङको ३ बहिनी छोरी मध्ये कान्छी छोरी हुन्। उहाँ विद्यालय पढ्दै गर्दा वि.सं. २०५५ सालमा १४ वर्षको कलिलै उमेरबाट अनेरास्ववियु (क्रान्तिकारी) मा संगठित हुनुभयो। बुवाले नेपाली सेनामा रहेर काम गर्दा देखेको पीडा र आमाले पंचायतकालमा वडा अध्यक्ष भएर राजनीतिमा देखाउनु भएको अग्रसरताबाट प्रेरित भै राजनीतिमा लाग्नुभएका राधिका तामाङ समाजमा व्याप्त विभेद र असमानताले सबै भन्दा बढि घचघच्याएको बताउनु हुन्छ। माओवादी जनयुद्ध, अन्याय र विभेदका विरुद्ध जनताको सचेत विद्रोह हो भन्ने बुझाई सहित उहाँ वि.सं. २०५७ बाट भुमिगत हुनुभयो। उहाँले पार्टीको सैन्य संगठन जनमिलिसिया देखि पार्टी एरिया कमिटी, जिल्ला कमिटी हुँदै केन्द्रीय सदस्यको भूमिका निभाईसक्नु भएको छ।उहाँ तामाङ राष्ट्रिय मुक्ति मोर्चा नेपालको केन्द्रीय सचिवालय सदस्य साथै नेपाल तामाङ घेदुङको केन्द्रीय सदस्य र सल्लाहकार पनि हुनुभयो।
पाँच वर्ष भूमिगत तथा संघर्षपूर्ण जीवन
विद्यार्थी संगठनमा बस्नु र माओवादीलाई समर्थन गर्नु पनि राज्यको नजरमा आतंककारी ठहरे पछि कक्षा दसमा पढ्दै गर्दा अध्ययन थाती राखी वहाँ वि.सं. २०५७ साल चैत्रबाट भूमिगत हुनु भयो। वि.सं. २०६२÷६३ को जनआन्दोलन पछिको राजनीतिक परिवर्तन र विस्तृत शान्ति समझौतासंगै शसस्त्र जनयुद्धको विधिवत अन्य पछि खुल्ला राजनीतिक जीवनमा सक्रिय रहनु भयो। भूमिगत अवस्थामा निकै कष्ठसाध्य अवस्थाहरुलाई पनि सहज पचाउँदै नुवाकोट, रसुवा, सिन्धुपाल्चोक, काभ्रे, मकवानपुर, धादिङ, गोरखा लगायतका जिल्लाहरुमा संगठनात्मक कार्यमा सहभागि हुनुभयो। यस क्रममा धेरै पटक राज्यका सुरक्षाकर्मीसंगको मुठभेट र घेराबाट उम्केर बाँचेको अविष्मरणीय घटनाहरु वहाँले भोग्नु भएको छ।
विद्रोही जनसरकार प्रमुख देखि नेपाल सरकारको मन्त्री सम्म
वहाँ निडर स्वभाव र लक्ष्य प्रति दृढ रही आफ्नो जिम्मेवारीलाई इमान्दारीका साथ वहन गर्ने क्षमता राख्नुहुन्थ्यो।यही क्षमता र जिम्मेवारीबोधका कारण वहाँले युवा उमेरमा नै पार्टी र राज्यको महत्वपूर्ण जिम्मेवारी सम्हाली सक्नुभएको छ। माओवादीलेसमान्तर सत्ता अभ्यासका लागि स्थापना गरिएको जनसत्ताको नुवाकोट जिल्ला जनसरकार प्रमुख भएर वि.सं. २०६१ देखि २०६३ सम्म जिम्मेवारी निभाउनु भयो।उहाँले वि.सं. २०७० सालको संविधानसभा निर्वाचनबाट संविधानसभा सदस्य र वि.सं. २०७३ श्रावण २९ गते देखि वि.सं. २०७४ जेठ २४ सम्म नेपाल सरकारको राज्यमन्त्रीको जिम्मेवारी निर्वाह गरिसक्नु भएको छ।
 
नाम : राधिका तामाङ              बुवा : शेरबहादुर तमाङ       आमा : राम्री तामाङ
जन्म : वि.सं. २०४०।०४।१७     श्रीमान : डिबी तामाङ        छोरा : रिदम तामाङ
शिक्षा : प्रमाणपत्र तह
जिम्मेवारी : वि.सं. २०५५ मा अनेरास्ववियु (क्रान्तिकारी) इकाई सदस्य
: नेकपा (माओवादी) जनमिलिसिया, अनेम संघ (क्रान्तिकारी) जिल्ला कोषाध्यक्ष, सचिव। नेकपा (माओवादी) को एरिया कमिटी सदस्य, जिल्ला कमिटी सदस्य, सहसचिव, राज्य समिति सदस्य हुँदै  २०७३ मा केन्द्रीय सदस्य। तामाङ राष्ट्रिय मुक्ति मोर्चा नेपालकोजिल्ला अध्यक्ष, केन्द्रीय सदस्य तथा केन्द्रीय सचिवालय सदस्य। नेपाल तामाङ घेदुङको केन्द्रीय सदस्य, हाल सल्लाहकार।
: वि.सं. २०६१ बैशाखबाट २०६३ सम्म नुवाकोट जिल्ला जनसरकार प्रमुख।
: वि.सं. २०७०।१०।०८ देखि २०७२।०६ .......सम्म संविधानसभा सदस्य। वि.सं. २०७२।०६ ...देखि २०७४।७।४ गते सम्म व्यवस्थापिका संसद सदस्य।
: वि.सं. २०७३ श्रावण २९ गते देखि वि.सं. २०७४ जेठ २४ सम्म नेपाल सरकारको राज्यमन्त्री।
: वि.सं. २०७४ माघ ७ गते देखि प्रदेश सभा सदस्य।
: वि.सं. २०७४ माघ २८ गतेबाट प्रदेशसभा उपसभामुख।
भूमिगत : वि.सं. २०५७ देखि वि.सं. २०६३
घाईते : शान्ति प्रक्रिया पश्चात राजनितिक आन्दोलनको क्रममा दुइपटक घाईते, आँखा र निधारमा गंभीर चोट।
गिरफतारी : राजनितिक आन्दोलनको क्रममा पटक पटक गिरफ्तारी र रिहा
कार्यक्रम सहभागि तथा बैदेशिक भ्रमण :
: फ्रान्स, सन् २०१५, विश्व वातावरण (कोप) सम्मेलन–प्रतिनिधित्व नेपाल सरकार।
: इटली, सन् २०१७ जनवरी, 16^th Commission on Genetic Resources for Food and Agriculture (CGRFA), FAO–प्रतिनिधित्व नेपाल सरकार।
: स्वीजरल्यण्ड, सन् २०१७ मे, High Level meeting of conferences of the Parties to the Basel Rotterdam and Stockholm Convention, (UNEP, FAO…), प्रतिनिधित्व नेपाल सरकार।
: बेलायत, सन् २०१७ जनवरी, ल्होछार कार्यक्रम।
: अनौपचारिक भ्रमण – बेल्जियम, जर्मनी, नेदरल्याण्ड, कतार।